LIGJET E BIZNESIT
Pas miratimit të ligjit kundër pirjes së duhanit në ambientet e mbyllura në Kuvend, mesa duket ky ligj nuk po zbatohet në institucionin ku është miratuar.
Deputeti i Partisë Socialiste Bashkim Fino është kapur ‘mat’ duke pirë cigare brenda korridoreve të Kryesisë së Kuvendit, duke shkelur hapur ligjin pikërisht në vendin ku është miratuar.
Edhe pse ky ligj ndalon pirjen e duhanit në ambientet e mbyllura, për Finon ky fakt nuk përbën aspak problem.
Ligji i duhanit legjitimisht njohur si Ligji për mbrojtjen e shëndetit nga produktet e duhani është një ligj që synon të ashpërsojë luftën ndaj pirjes së duhanit dhe ka hyrë në fuqi më 26 maj të vitit 2007.
Nenet kryesore të këtij ligji kanë të bëjnë me ndalimin e pirjes së duhanit në të gjitha mjediset publike te mbyllura.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Neni 15 Ndalohet pirja e duhanit në:
- a) mjediset e punës; b) institucionet shëndetësore, me përjashtim të institucioneve të shëndetit mendor (vetëm për pacientët); c) institucionet arsimore; ç) mjetet e transportit publik; d) mjedise tregtare, bare, restorante, diskoteka dhe klubet e natës; dh) mjedise të tjera publike.
Në mjediset/institucionet e mësipërme nxirret një rregullore e brendshme, ku theksohet ndalimi i pirjes së duhanit në këto mjedise dhe përcaktohet qartë personi, i cili do të jetë përgjegjës për rastet e shkeljes së këtij ndalimi nga çdo person.
