Policia e Durrësit ka arrestuar sot shtetasin Jusuf Skënderi, me qëllim ekstradimin e tij në Itali.
Në kuadër të operacionit “Ekstradimi” policia bën me dije se Skënderi ishte në kërkim për trafik droge dhe pjesëmarrje në organizatë kriminale.
Më herët mësohet se Gjykata e Cagliarit ka caktuar masën e sigurisë “Arrest me burg” Për Jusuf Skënderin dhe mbi të rëndojnë veprat penale për “Drogë, kokainë, organizatë kriminale” parashikuar nga Kodi Penal Italian.
Ndër të tjera sipas informacionit zyrtar të policisë Jusuf Skënderi ishte pjesë e një bande drogë në Itali e cila drejtohej nga Ramazan Malo dhe shpërndanin drogëpranë shkollave dhe lokaleve të natës.
NJOFTIMI ZYRTAR I POLICISE
Finalizohet operacioni “Ekstradimi”, zhvilluar nga Sektori për Hetimin e Narkotikëve në DVP Durrës në bashkëpunim me Interpol Tirana.
Kapet dhe arrestohet me qëllim ekstradimi drejt Italisë, i kërkuari për trafikim të drogave të forta dhe pjesëmarrje në organizatë kriminale.
Specialistët për Hetimin e Narkotikëve në D.V.P Durrës, pas informacioneve të marra në rrugë operative dhe një punë të mirëorganizuar, në kuadër të operacionit “Ekstradimi”, bënë të mundur kapjen dhe arrestimin me qëllim ekstradimi drejt Italisë të shtetasit S.J., banues në Durrës.
Ky shtetas ishte shpallur në kërkim ndërkombëtar nga Interpol Roma, pasi Gjykata e Cagliarit,Itali, me vendimin Nr.7855/17, datë 17.07.2019 ka caktuar masën e sigurisë “Arrest me burg” për veprën penale “Drogë, Kokainë, Organizatë kriminale” parashikuar nga Kodit Penal Italian.
Interpol Tirana në bashkëpunim me Interpol Romën po vijon veprimet për ekstradimin e këtij shtetasi drejt Italisë.
