Ditën e sotme policia ka nisur një hetim pasuror për pastrim parash ndaj ish-kryetarit të Bashkisë së Vorës Agim Kajmaku.
Mësohet se i është kërkuar informacion të gjitha bankave për llogaritë që janë në emër të Kajmakut.
Ndërkaq një kërkesë është bërë dhe në hipotekë për të gjitha pasuritë e paluajtshme që ai disponon.
Kujtojmë se Agim Kajmaku është shpallur në kërkim pas urdhërit të Prokurorisë për arrestimin e tij.
I ndodhur në arrati prej disa kohësh tashmë, Kajmaku ka apeluar vendimin e Gjykatës së Tiranës, e cila ka dhënë masën e sigurisë “arrest me burg” ndaj tij.
