Sot shënohen plot 6 vjet nga vdekja tragjike e ish-deputetit të Partisë Demokratike Sokol Olldashi, i cili humbi jetën në një aksident automobilistik teksa udhëtonte me makinën e tij nga Elbasani drejt Tiranës.
Miqtë dhe të njohurit e Olldashit, kanë reaguar sot duke e kujtuar në moment kur ishte ende në jetë.
Midis tyre është dhe gazetari Sokol Balla, i cili ka kujtuar disa momente të fundit mes tij dhe ish-deputetit të ndjerë, gjatë një interviste të vitit 2013, ku ai ishte ftuar në studio.
“Hera e fundit me të. Korrik 2013, dy ditë para garës për kryetar të PD. Pas intervistës një nga të ftuarit që ishte kritik me të më tha: E morëm në qafë. E pyeta përse. “Sepse doli shkëlqyer”, shkruan Balla.
Kujtojmë se Sokol Olldashi u nda nga jeta më 20 nëntor të vitit 2013.
