Gafa që gajasi publikun/ Edi Manushi bën ‘lëmsh’ emrin e Kastriot Tushës, ndërhyn me vrap Ilda Bejleri

Nuk janë të pakta ‘gafat’ apo ngatërresat që bëjnë drejtuesit e emisioneve televizive, të cilat më pas bëhen virale.

E njëjta gjë ka ndodhur edhe mbrëmë në programin “Procesi Sportiv” me moderator Edi Manushin dhe Ilda Bejlerin.

I ftuar ishte tenori i njohur Kastriot Tusha dhe hapja u bë pikërisht nga ky i fundit që këndoi Himnin Kombëtar.

Pasi Tusha e përfundoi së kënduari, menjëherë ndërhyri Manushi, i cili pasi u mundua t’i thurte lavde tenorit, e ngatërroi me regjisorin dhe aktorin Kastriot Çaushi.

“Mirëmbrëma zonja dhe zotërinj. Ah sikur të fillojë edhe një herë ndeshja sot me Kaç Çaushin”, u shpreh i ekzaltuar Manushi, ndërkohë që publiku shpërtheu në të qeshura.

Në moment në ndihmë i vjen Ilda Bejleri: “Me Kaç Tushën”.

I vënë në siklet, Manushi e gjen menjëherë përgjigjen e rradhës: “S’ka rëndësi. E rëndësishme është që Kaçi këndoi”.