“Bëjini audicion të mësojnë të lexojnë se lanë nam” Fevziu habitet me deputetët e rinj: Një bandë injorantësh në nivelin më të ulët

Kohët e fundit konflikti i presidentit Ilir Meta me mazhorancën dhe kuvendin për Gjykatën Kushtetuese është bërë një nga temat më të komentuara.

Për të njëjtën gjë është folur edhe mbrëmjen e djeshme në programin “Opinion”, ku të ftuarit u pyetën dhe për mundësinë e Presidentit për të shpërndarë parlamentin.

Gjatë bisedës, moderatori Blendi Fevziu i kërkoi përfaqësuesit të LSI, Luan Rama, në lidhje drejtpërsëdrejti me studion, që deputetët e rinj të cilët do jenë në lista të bëjnë një audicion me video që të mëxojnë të lexojnë.

“Bëni një rregull ju lutem që kur të zgjidhni kandidatët e tjerë për zgjedhjet ta shoqërojnë me një video 3 minuta që të lexojnë një fjalim, 3 minuta video që ta shikojë publiku, 3 minuta audiocion se pastaj lënë nam kur kapin foltoren e parlamentit”

Më pas Fevziu nuk  la pa komentuar edhe deputetët e rinj që hynë në Kuvend pasi paraardhësit e tyre vendosën të digjnin mandatet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Disa prej tyre janë një bandë injorantësh nën nivelin mesatar të shoqërisë shqiptare. Nën nivelin më të ulët të shoqërisë shqiptare. Unë s’e kuptoj si janë ata persona në listat e partive, kush i ka vendosur dhe me çfarë standardi.

Kemi pas banditë, kemi pas kriminelë, i kemi pas të gjitha por këta janë edhe injorantë kjo është e tmerrshme”, u shpreh Fevziu i irrituar.