Vijojnë të dalin detaje të tjera nga hetimet në lidhje me atentatin mafioz të 1 nëntorit në mbikalimin e Shkozetit ndaj prokurorit të Durrësit Arjan Ndoja.
Mësohet se dosjet e gjetura në bagazhin e makinës ku po udhëtonin së bashku prokurori Arjan Ndoja, Landi Muharremi dhe shoferi i ndjerë Andi Maloku nuk janë fashikujt e vjedhur në Prokurorinë e Durrësit dhe as dosja e gjyqtarit të vrarë Skerdilajd Konomi.
Ndërsa rezultatet e përgjigjeve të analizave të ADN-së për pështymën e gjetur në maskat e atentatorëve, ende nuk kanë mbërritur.
Nga ana tjetër ky është fakti që po mban peng Redjan Rrajën, personi që ndodhet në qeli pasi dyshohet se është një nga atentatorët.
Vetë Rraja ka kërkuar lirinë pasi pretendon se nuk ka gisht në atentatin mafioz që tronditi qytetin e Durrësit dhe mbarë opinionin.
