Soreca në gjurmët e Macron, flet për kushtet e negociatave: Jam gati të hapen vetëm nëse….

Ditën e sotme po zhvillohet në Tiranë ceremonia e hapjes së Shkollës së Integrimit Europian.

I pranishëm është dhe ambasadori i Bashkimit Europian në vendin tonë Luigi Soreca, i cili duke cekur temën e negociatave ka risjellë në kujtesë deklaratat e presidentit francez Emmanuel Macron.

Soreca shtoi ndër të tjera duke shprehur gatishmërinë e tij se është gati të hapen negociatat me Bashkimin Europian për Shqipërinë, nëse implementohen kushtet e vendosura nga Europa.

“Është diskutuar shumë këto vite në Bruksel dhe në nivel të lartë se shumë njerëz kanë zbuluar vlerat në termat e sigurisë, duke qenë edhe më shumë të përfshirë. Nënvizoj atë që ka thënë Macron, nëse zbatoni implementoni kushtet që ka thënë BE unë jam gati të hap negociatat. Një nga këto kushte është Reforma në Drejtësi, forcimi i kufijve pra reforma territoriale. Reforma në Drejtësi do të japë rezultate disa muaj më vonë kur të implementohet si paketë e plotë”, është shprehur ambasadori i BE gjatë fjalës së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern