Ish-kryebashkiaku i Vorës Agim Kajmaku edhe pse është në arrati dhe me një urdhër arresti, nuk e kanë penguar që të kërkojë lirinë.
Kajmaku u shkarkuar nga KQZ pasi shkeli ligjin e dekriminalizimit ka apeluar masën e sigurisë “arrest me burg” të vendosur nga gjykata. Masa u dha në mungesë, ndërsa policia vijon ende kërkimet për gjetjen e ish-zyrtarit socialist.
Kajmaku i zgjedhur kryetar i Bashkisë Vorë më 30 qershor, u shkarkua nga KQZ më 1 nëntor pasi shkeli ligjin e dekriminalizimit duke mos deklaruar një dënim në Greqi.
Kryebashkiaku Kajmaku u akuzua nga Partia Demokratike se ishte arrestuar në Greqi, nën emrin Jorgo Toto, për veprën penale të falsifikimit të parave, por që nuk e kishte paraqitur në formularin e Dekriminalizimit.
