“Do rezistojmë deri në vdekje” banorët e Astirit me shkopa në duar, nisin protestën për të mbrojtur banesat

Mëngjesin e sotëm banorët e Astirit kanë nisur sërish të protestojnë pas njoftimit që kanë marrë nga Inspektorati Kombëtar i Mbrojtjes së Territorit (IKMT) për të liruar shtëpitë e tyre.

Ata kanë vendosur të bëjnë një pritë ndaj inspektorëve dhe kanë mbajtur në duar shkopa dhe lopata duke paralajmëruar se do t’i mbrojnë banesat e tyre deri në vdekje dhe nuk do të lënë askënd që tua shembë.

“Këto nuk duan zgjidhje, këto duan përballje me qyetarët e pafajshëm. Kush ka gjë në dorë për të ndaluar këto kriminela të reagojë. Këtu duan që ti hapin rrugë kullave që do të shitet 5000 euro metri.

I bëj thirrje segmentit të policisë së shtetit mos u afroni tek ne. Kemi 1 vit që jemi dhunuar na kanë torturuar. Këta po vijnë tek ne që do të na dhunojnë. Ne duam zgjidhje duam dialog, nuk jemi kundër projekteve për zhvillim.

Sot nuk pritet nga banorët e Unazës së Re asgje. Ne jemi në pronat tona. Nuk mundesh të shkelësh të drejtat e njeriut. Ne jemi krenar që qendruam para këtyre banditëve. Edi Rama pushtetin e ka ndarë me kriminelët. Ne kërkojmë zgjidhje dhe dialog. Ne do rrezikojmë deri në frymën e fundit. Jemi të vendosur deri në vdekje.”- tha i vendosur një prej banorëve.