E kritikoi për stadiumin, Duka i përvishet Braçes: Erioni të na japë lekët dhe i vëmë emrin e tij

Presidenti i Federatës Shqiptare të Futbollit (FSHF) Armand Duka ka folur në lidhje me emrin e ri të stadiumit kombëtar në Tiranë, i cili tahmë do të mbajë emrin “Air Albania” por edhe pë tema të tjera sic është ajo e çmimit të biletave.

Ndër të tjera Duka i është përgjigjur edhe zv.kryeministrit Erion Braçe dhe kritikave që ai ka bërë në lidhje me emrin e stadiumit.

Me ironi dhe batutë, ai shton se nëse Braçes mund ti ketë mbetur hatri për këtë gjë, mund të kishte paguar paratë dhe të garonte që stadiumit t’i vihej emri i tij.

“Nuk dua të bëj debat për emrin e stadiumit që mund të ishte “Qemal Stafa”, apo të ishte një prej lojtarëve të mëdhenj që ne kemi. Ky është një investim i FSHF-së me një donacion nga UEFA. Qeveria shqiptare na ka mbajtur padrejtësisht edhe TVSH-në, që duhet të na kthehet.

Pjesa e komercializimit të emrit nuk u shpik nga ne, por bëhet në gjithë Europën. Stadiumi është edhe më i vështirë të mirëmbahet, pasi kemi nevojë për pjesën financiare. Nuk kam replikë me Erjon Braçen, por nëse ka kritika, atëherë t’i japë ai lekët dhe ia vendosim ne emrin e tij stadiumit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ka shumë vështirësi në mirëmbajtjen e stadiumit dhe do të mundohemi që ky stadium të përdoret nga klubet shqiptare dhe të mos përdoret vetëm si një monument për t’u përdorur nga Kombëtarja. Ne do mundohemi të mbajmë për ekipet e kryeqytetit shifrat e ish-Qemal Stafës. Me zgjidhje më të mirë se Arena Kombëtare, është e vështirë të ketë,” u shpreh Duka gjatë fjalës së tij.