“Përdhosën emrin tënd për ca lekë o Qemal Stafa” Rezart Veleshnja ‘shpërthen’ për emrin e ri të stadiumit kombëtar

Ndërrimi i emrit të stadiumit kombëtar “Qemal Stafa” në “Air Albania Stadium” pas rikonstruksionit, është bërë një nga temat më të komentuara ditët e fundit.

Në lidhje me këtë fakt ka reaguar edhe aktori i humorit Rezart Veleshnja, i cili flet me tone të ashpra ndaj atyre kanë marrë këtë vendim.

Me anë të një postimi në Instagram ku ka vendosur dhe fotografinë e Qemal Stafës, aktori i njohur shkruan i revoltuar: Për ca lekë përdhosën emrin tënd o i nderuar Qemal Stafa. Vdiqe me nder, o i madh Qemal! Ne po na vrasin për së gjalli. Ike nga stadiumi, madje edhe nga gjimanzi do të të heqin, se kanë paguar lekë edhe aty.