LIGJET E BIZNESIT
Detaje të reja vijojnë të dalin nga atentati mafioz ndaj prokurorit Arian Ndoja ditën e premte në mbikalimin e Shkozetit në Durrës.
Mësohet se tashmë policia është shumë pranë identifikimit të autorit të dytë që qëlloi mbi automjetin tip “Benz” ku mbetën të plagosur prokurori Arian Ndoja, shoferi i tij Andi Maloku si edhe Landi Muharremi, i njohur ndryshe dhe me pseudonimin “i forti” i Shijakut.
Sipas informacioneve hetuesit kanë arritur të sigurojnë pamjet filmike nga autostrada Tiranë-Durrës.
Referuar këtyre materialeve, para atentatit makina e prokurorit u ndoq nga pas për disa minuta.
Si provë të fortë në automjetin “Benz” gri të grabitur janë gjetur dy palë syze gjë e cila po i çon hetuesit drejt identifikimit të autorit të dytë të përfshirë në atentat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se ishin syzet dhe kamerat provat që e çuan Prokurorinë në identifkimin e të dyshuarit të parë, stomatologut Redjan Rraja.
Ai akuzohet se është atentatori kryesor i përfshirë në ngjarjen e rëndë.
Ditën e djeshme Gjykata e Krimeve të Rënda ka caktuar masën e sigurisë “arrest me burg” për 34-vjeçarin Redjan Rraja.
