LIGJET E BIZNESIT
Një ngjarje e rëndë ka ndodhur paraditen e sotme në zonën e Unazës së Re në Tiranë, ku banorët po protestojë prej kohësh për shkak se kundërshtojnë shembjen e banesave të tyre.
Punonjësit e IKMT kanë zbarkuar aty duke duke lajmëruar disa prej pronarëve të banesave dhe bizneseve se për shkak të rikonstruktimit të rrugës që kalon aty, banesat e tyre dhe bizneset do të shembeshin dhe duhet ti lironin brenda ditës së hënë.
Të gjendur në këtë situatë, mësohet se protestuesit e kësaj zone janë irrituar dhe për pasojë kanë goditur me mjete të forta një nga punonjësit e IKMT Albert Bitraj, duke i shkaktuar fraktura të rënda në kokë dhe duar.
Për këtë rast ka reaguar dhe IKMT me anë të një njoftimi zyrtar:
“Nje ngjarje e rende ka ndodhur sot paradite ne “Astir” me banoret e kesaj zone dhe nje prej punonjesve te IKMT gjate kryerjes se detyres. A.B 50 vjec, eshte goditur me mjete te forta nga banoret duke i shkaktuar frakture te forte ne koke dhe ne duar. Ai eshte transportuar me urgjence ne spitalin ushtarak per te marre mjekimin e duhur. Punonjesi i IKMT, ishte duke kryer detyren, teksa lajmeronte poseduesit e disa objekteve ne kete zone se jane pengese e zbatimit te projektit te Unazes se Madhe. IKMT denoncon fort kete akt barbar mbi punonjesin e saj dhe kerkon nga organet perkatese te shtetit te marrin masat e menjehershme per venien para pergjegjesise se autoreve. Po ashtu IKMT u ben thirrje banoreve dhe qytetareve, se punonjesit e saj jane ne sherbim te ligjit dhe komunitetit dhe nuk do te terhiqen per asnje moment nga detyrat e tyre, pavaresisht sjelljeve rrugacerore, barbare dhe te paligjshme”, thuhet në njoftimin e IKMT.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
