Ngec në ‘sitën’ e Vettingut, shkarkohet kryetari i Gjykatës së Elbasanit

Komisioni i Pavarur i Kualifikimit shkarkoi nga detyra sot kryetarin e gjykatës së Elbasanit Sulejman Kurti.
Kryetari i gjykatës së Elbasanit nuk arriti të justifikonte shumën prej 6 milionë lekësh për kryerjen e investimeve në banesën e tij dhe gjithashtu për blerjen e një apartamenti në Tiranë në vitin 2010.
KLD kishte hartuar raport pozitiv për Kurtin, por KPK ngriti dyshime mbi arrestimin e një shtetasje pa provuar rrezikshmërinë e saj, shmangien e hetimit ndaj një të pandehuri dhe gjithashtu favorizimin e një të pandehuri.
Duke u nisur nga vendimet e gjyqtarit mbi këto cështje si dhe problemet e hasura me pasurinë e tij KPK vendosi që Sulejman Kurti të largohet nga posti i kryetarit të gjykatës së Elbasanit.