Aksident në aksin Librazhd-Elbasan, plagosen dy persona, një në gjendje të rëndë

Aksin Elbasan-Librazhd është përgjakur ditën e sotme si pasojë e një aksidenti të rëndë. Një automjet gjatë një parakalimi të gabuar, ka humbur kontrollin e mjetit dhe ka dalë jashtë trasesë së rrugës, duke u përplasur me një masiv shkëmbor në anë të rrugës. Mësohet se aksidenti ka ndodhur në vendin e quajtur “Kthesat e Murrashit”.

Për pasojë, kanë mbetur të plagosur drejtuesi i automjetit, Valmir Baçe, nga Erseka, nëna e tij, Myriban Baçe, 69 vjeçe, dhe e motra, Adelina Baçe. Të plagosurit janë transportuar me urgjencë për në spital.

Ndërsa, sipas burimeve spitalore, e moshuara ka pësuar plagë të rënda dhe po transportohet për në spitalin e Traumës në Tiranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern