LIGJET E BIZNESIT
Mbledhja e sotme e Komisionit për Politikën e Jashtme është shoqëruar me debate të shumta.
Teksa po diskutohet për projektrezolutën e Partisë Socialiste për financimet e huaja në fushatën zgjedhore, ka pasur edhe një përplasje mes ish-ministrit të Jashtëm Dtmir Bushati dhe kreut të grupit parlamentar të PS Taulant Balla.
Taulant Balla, në cilësinë e relatorit të projektrezolutës u shpreh se të gjitha vendet e Europës Juglindore kanë ngritur një shqetësim pasi financimet e huaj janë shtuar dhe kanë ndikim në zgjedhje.
Por një nga kundërshtarët më të mëdhenj të kësaj rezolute është dhe Ditmir Bushati dhe ka kërkuar që të rishikohej ky draft pasi ka shumë gabime në përmbajtje dhe përkthim.
Një nga shprehjet që tërhoqi vëmendjen në komision ishte që të mos linin nam pasi ka shumë gabime.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Që në titull ne kemi një gabim, po pa pasur një mendim të qeverisë dhe të Parlamentit nuk dua të futem në këto ujra të trubullta. Unë kam bërë kërkime dhe kam parë vende të Ballkanit Perëndimor që nuk e kanë këtë rezolutë”, do të shprehej Bushati.
“Qeveria shqiptare është përgjegjësia që koordinon disa institucione, qoftë ato që janë brenda sferës së drejtëpërdrejtë të saj por, edhe institucione të tjera. Duhet të kemi një dokument të thelluar nga qeveria shqiptare.
Të gjitha dispozitave që përcakton kushtetuta shqiptare dhe lufta për informacionin e klasifikuar. Dal te pyetja e dytë. Dua të them se që në titull ne kemi një gabim po nuk dua t’i hyj këtij diskutimi pa pasur qëndrimin e qeverisë shqiptare, nuk dua që komisioni të hyjë në hetime të tilla.
Unë e kam bërë kërkimin e duhur dhe kam vënë re se parlamentet kombëtare nuk kanë shkuar në këtë proces se natyra e tyre është demokratike. Mos harroni në vetëm pak javë më pas Shqipëria zyrtarizon marrjen e kryesisë së OSBE. Ne kemi marrë disa zotime aty.
Ne si komision duhet të dimë edhe qëndrimin e Sllovakisë edhe të Italisë dhe e fundit, këtu bie dakord me kolegun Gjoni, pasi ne kemi qenë në bashkëpunim me ta. Të gjithë ata që janë marrë me përkthimin e rezolutës, nuk është një përkthim korrekt. Rezoluta e PE ka mbi 120 dokumente që citon të KE”, u shpreh Bushati ndër të tjera.
