Atentati mafioz ndaj prokurorit Ndoja, policia ndalon një të dyshuar

Policia ka ndaluar një person të dyshuar si të përfshirë në atentatin mafioz që tronditi Durrësin ditën e premte, ku si pasojë e breshërisë së plumbave mbi një automjet në mbikalimin e Shkozetit, mbeti i plagosur prokurori Arjan Ndoja, i ‘forti’ i Shijakut Landi Muharremi si dhe shoferi Andi Maloku.

Sipas informacioneve ndalimi i këtij personi është bazuar në disa prova të gjetura gjatë ekspertimit të automjetit të autorëve që u gjet i braktisur pranë varrezave të Shkafanës në Ishëm.

Kujtojmse si pasojë e plumbave në drejtim të automjetit me të cilin udhëtonin; u plagosën Ndoja dhe Muharremi të cilët janë jashtë rrezikut për jetën, ndërsa shoferi Andi Maloku është në gjendje të rëndë për shkak të dy plumbave të marra në mushkëri dhe një në shtyllën kurrizore.