Kaos në Tiranë/ Reshjet e dendura të shiut paralizojnë qarkullimin rrugor

Shqipëria është përfshirë nga reshje të dendura shiu dy ditët e fundit. Por më problematike gjendja shfaqet në qytetin e Tiranës. Kanë mjaftuar disa orë reshje shiu, që kryeqyteti të bjerë në kaos total.

Qarkullimi në Tiranë është bërë thuajse i pamundur, me bllokime të shumta të akseve dhe trafik që ka krijuar shqetësime të mëdha tek qytetarët.

Nëse reshjet do të vijojnë, rreziku është i madh për rikthimin e përmbytjeve, të cilat ndodhin çdo vit sapo fillojnë reshjet.