Shifra të frikshme/ Ky është shteti tjetër në Europë që shqiptarët po ‘thyejnë’ rekord për azil, ia kalojnë dhe sirianëve

Fenomeni i kërkesës për azil tashmë sa vjen e po përhapet më shumë në rradhët e shqiptarëve.

Edhe pse shumë shtete të Europës tashmë kanë njoftuar disa herë se asnjë kërkesë për azil nuk do të pranohet dhe shancet janë 0, duket se personat që duan të përfitojnë nga ky aplikim janë ende të shumtë në numër.

Këtë rradhë e gjithë vëmendja shkon në Irlandë, ku mesa duket edhe atje shqiptarët janë vënë në ‘shënjestër’ për këtë temë.

Sipas mediave irlandeze, shqiptarët dhe gjeorgjianët konkurrojnë bindshëm dhe sirianët.

Kryeministri i Irlandës, Leo Vardkar shprehet se shqiptarët dhe gjeorgjianët janë të parët përsa i përket numrit të kërkesave për azil.

Ndër të tjera ai shton se këta azilkërkues mbërrijnë në Irlandë me anë të dokumentave të falsifikuara.

“Qeveria po shton kontrollet në aeroporte për t’i ndaluar që të vijnë këtu dhe i kemi kërkuar linjave ajrore që t’i kthejnë pas”, shprehet ai.

Nga ana tjetër edhe shifrat janë të frikshme.

Dy nga pesë azilkërkues në shtetin e Irlandës janë shqiptarë dhe gjeorgjianë. Bazuar në shifra e publikuara, rezulton se përgjatë 2018-s,  460 qytetarë shqiptarë kërkuan azil në Irlandë. Shqiptarët ndiqen nga gjeorgjianët me 12% dhe sirianët me 9%.

Numri i lartë i azilkërkuesve shqiptarë ishte një nga çështjet që ngriti edhe Presidenti francez Emanuesl Makron, i cili vuri veton kundër hapjes së negociatave të Shqipërisë me BE-në.

“Për Shqipërinë, është e vështirë t’i shpjegojmë francezëve që do t’i hapim negociata Shqipërisë. Shqipëria konsiderohet vend i sigurt dhe numrin e azilkërkuesve nuk mund ta shpjegojmë. Kemi probleme me numrin e azilkërkuesve. Nuk mund të bëjmë gjëra që është e pamundur që francezët t’i kuptojnë”, tha publikisht Makron.