Një aksident i rëndë ka ndodhur paraditen e sotme në aksin Pukë-Qafë Qele ku një makinë dhe një motor janë përplasur me njëri-tjetrin.
Si pasojë e aksidentit janë plagosur burrë e grua, të cilët janë në gjendje të rëndë pasi kanë marrë lëndime të shumta në trup.
Mësohet se të aksidentuarit janë çifti i bashkëshortëve Gani Aliu dhe Vezire Laçi.
Ata janë dërguar menjëherë në spital dhe janë në rrezik për jetën.
Policia dhe grupi hetimor kanë mbërritur në vendngjarje dhe po punohet për zbardhjen e plotë të rrethanave dhe shkaqeve të aksidentit.
