LIGJET E BIZNESIT
Badigardi i Sali Berishës, Ermal Zaimi, ka shkatërruar kasën dhe disa pajisje të tjera teksa paguante tarifën e parkimit në sheshin “Skënderbej”. Lajmi bëhet i ditur nga gazeta Tema që ka publikuar edhe një video me ngjarjen.
Sipas Temës, nga video shihet që Zaimi zgjatet disa herë pranë dritares së kasës ku paguhej shërbimi dhe luan duart. Gazeta shkruan se badigardi i ish kryeministrit ndodhet në një makinë “Land Rover”, prodhim i vitit 2018.
Video është pa audio dhe nuk dëgjohet diskutimi mes Zaimit dhe punonjësit të parkimit, por pasi merr kusurin dhe para se të largohet truproja e Berishës, fut dorën brenda kabinës dhe përplas kasën e shumë sende të tjera aty.
