“Atentatin e bëri mafja qeveritare”, pas ngjarjes së djeshme, reagon Berisha

Pas  atentatit me armë që ju bë ditën e djeshme Prokurorit të Durrësit,Arjan Ndojës, ka reaguar edhe ish-kryeministri Sali Berisha.

Teka ka publikuar mesazhin e ardhur nga një qytetar dixhital Berisha shkruan se në këtë ngjarje ka gisht mafia e Kepit të Rodonit. Ai thekson se eleminimi i prokurorit Ndoja lidhet me interesa direkte të Ramës.

Reagimi i plotë:

Eleminimi i prokurorit Ndoja lidhet me interesa direkt te Rames dhe mafies se tij ne Kepin e Rodonit. Policia prej 10 ditesh e kishte ne “mbrojtje” prokurorin armik te Edvinit! Akuza te renda per Edvin Mafine per atentatin kunder prokurortit Ndoja! sb

Doktor prokurori Ndoja eshtë viktime e mafjes se kepit te Rodonit me ne krye vet Edi Ramen.Ai prej me se 10 ditesh ishte ne mbrojtje te shkalles me te larte te policise e cila me sa duket kishte marre detyre te realizoj “masen ekstreme”qe njoftoj vet Edi Rama ne paralment prandaj ju keni shume te drejte kur shkruani se atentatin e beri mafja qevetitar,kjo situate nuk mund te vazhdoje me keshtu !Kryebanditi me mekembesin e tij lilipud kercenimet qe bene para dy javeve i realizuan me atentatin sot.

Atentati ndodhi pasditen e djeshme teksa prokurori Arjan Ndoja po udhëtonte me dy persona të tjerë në automjetin tip “Benz” të llojit fuoristradë me targa ‘AA 333 ZD’, pranë Mbikalimit të Shkozetit. Bashkë me Ndojan kanë mbetur të plagosur edhe dy personat e tjerë, shoferi i prokurorit, Andi Maloku 30 vjeç dhe Aleksandër Laho, i cili ishte pasagjer. Laho njihet ndryshe edhe si Landi Muharremi dhe si “i tmerrshmi i Sukthit”.