Tronditet Durrësi, shkëmbim zjarri në mbikalimin e Shkozetit, një i vdekur e 3 të plagosur

Një shkëmbim zjarri ka ndodhur përpara pak minutash te mbikalimi i Shkozetit në Durrës.

Si pasojë e plumbave ka humbur jetën një person dhe janë plagosur tre të tjerë.

Sipas informacioneve paraprake mësohet se ka patur shkëmbim zjarri mes dy grupeve që ndodhin në dy makina të ndryshme.

Të përfshira në ngjarje dyshohet se kanë qenë dy makina në lëvizje.

Një prej mjeteve nga ku është qëlluar është tip “Benz” me targa AA 333 ZD dhe ndodhet në vendngjarje, ndërsa tjetri është larguar.

Nga tre të plagosurit, dy prej tyre janë në gjendje të rëndë për jetën dhe po i nënshtrohen ndërhyrjeve kirurgjikale në spitalin Rajonal të durrësit.

Policia ka mbërritur në vendngjarje dhe ka nisur hetimet për zbardhjen e plotë të asaj që ka ndodhur.