Muzika në zi, ndahet nga jeta kitaristi i grupit të njohur shqiptar

Një lajm i hidhur vjen për botën e muzikës shqiptare.

Është ndarë nga jeta njëri prej anëtarëve të grupit legjendar “Trix”, kitaristi Nuredin Azemi.

Lajmi është bërë i ditur nga miku dhe kolegu i tij Veli Sahiti me anë të një postimi në Facebook.

Ai publikoi një foto të Nuredin Azemit, duke iu shprehur ngushëllimet të gjithë dashamirësve dhe familjarëve.

“Sot iku për në botën tjetër miku im, njëherit edhe anëtari i grupit Trix Nuredin Azemi. Pushoft në paqe shpirti yt. I përjetshëm do të mbetet kujtimi për ty..”, ka shkruar Veli Sahiti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Grupi Trix ka qenë një ndër grupet e para shqiptare të rrymës “Rock and Roll” dhe  u formua në pranverë të vitit 1974 në fillim përbëhej nga tre anëtarë: Veli Sahiti, Muhamet Bislimi, si dhe Nuredin Azemi.