Marsida Qatja, 30 vjeçarja ‘mollë’ e sherrit në krimin që tronditi Kavajën pak javë më parë, vijon të japë mesazhe të forta dhe të tërheqë vëmendjen e mediave.
Pas deklaratave në Prokurori se i kanë dhënë 20 milionë lekë shpërblim për të ‘kyçur’ gojën në lidhje me trafikun e drogës, ajo i ka befasuar të gjithë me një mesazh në rrjetet sociale.
“Një vdekje e bukur i jep nder gjithë jetës.( Francesco Petrarca)”, shkruan Qatja në mesazhin e shpërndarë.
Nuk dihet mesazhi që kërkon të përcjellë Marsida me këtë status por duhet thënë që kjo nuk pritej.
Kujtojmë se Marsida Qatja, nënë e tre fëmijëve u kthye në një person tepër të komentuar pas vrasjes në Kavajë, ku pas një konflikti me armë zjarri në banesën e saj, polici Bledar Toci qëlloi për vdekje Dritan Haxhollin.
Arsyet e kësaj vrasjeje mbeten ende të pazbardhura por pistat që po hetohen nga policia janë dy, ajo e xhelozisë dhe trafikut të drogës.
