Një tërmet i fuqishëm ka tronditur Korçën mëngjesin e sotëm.
Lëkundjet kanë ndodhur në orën 5:25 dhe ishin me magnitudë 5.2 ballë të shkallës Rihter.
Epiqendra ishte në fshatin Miras, 11 kilometra nga qyteti i Korçës.
Banorët janë ndjerë në panik për shkak të lëkundjeve të forta si dhe raportohen dëme materiale në disa banesa, muret e të cilave janë plasaritur.
Lëkundjet u ndjenë në disa qytete si Tiranë, Elbasan, Gjirokastër si dhe në Maqedoninë e Veriut dhe në Greqi.
Kujtojmë se vetëm disa muaj më parë Korça u godit nga disa tërmete të njëpasnjëshme që shkaktuan dëme të shumta materiale dhe shumë banorë mbetën të pastrehë.
