Takimi Rama-Conte/ “Duhet zgjidhje e menjëhershme e krizës politike në vend”, flet kryeministri i Italisë

Kryeministri i Italisë, Giuseppe Conte ka zhvilluar një takim ditën e sotme më kreun e qeverise Edi Rama.

Në fjalën e tij Konte i  ka bërë thirrje opozitës dhe mazhorancës që të ulen në tryezë për dialog pa kushte për të zgjidhur krizën politike. Deklarata gjatë një konferencë me kryeministrin Rama.

“Mbetet aktuale zgjidhja e krizës politike në Shqipëri për të kompletuar dhe procesin dhe për të pasur të gjitha letrat në rregull për takimin tjetër ku vendet anëtare do të thirren për të dhënë qëndrimin e tyre për zgjerimin. Ajo që mund të garantoj është se Italia do të jetë në reshtin e parë për ta mbështetur. Besoj se BE ka një përgjegjësi të madhe dhe nuk mund të ndërpresë këtë rrugë, as për ta shtyrë”, tha Conte.

Kryeministri Rama, nga ana e tij, u shpreh i vendosur se Shqipëria do të vijojë rrugën drejt integrimit në BE.