FOTO/ U arrestua për trafik droge, jeta mes luksit i djalit të drejtorit socialist

Dy ditë më parë gjatë operacionit “Kreshta 2” është arrestuar djali i Drejtorit të Mjedisit në Lezhë, Bardhok Frrokut, Xhuliano.

22-vjeçari ka kundërshtuar Policinë, duke mos e lënë që të kontrollojë mjetin e tij në të cilin kishte 2.5 kilogram lëndë narkotike të llojit kanabis. Pas kundërshtimit të 22-vjeçarit ndaj efektivëve të Policisë kanë thirrur për ndihmë forca të tjera, të cilat kanë ndihmuar në neutralizmin e të riut duke kontrolluar më pas edhe mjetin.

Pasi futesh në profilin e tij në Facebook, i riu nga Lezha ekspozon pa asnjë problem orat e shtrenjta, gjedranët e trashë të floririt dhe makinën e tij tip “Audi”.

Edhe pse i ati është drejtor i rëndësishëm në Lezhë, ndërsa e ëma është punonjëse në degën e Thesarit, sërish Xhuliano ka zgjedhur që të bëjë një jetë luksi pa shumë lodhje siç është ajo e “spaqatorit.”