Vazhdon akoma operacioni “Tispol” për shkeljet në qarkullimin rrugor.
Të paktën 34 drejtues mjetesh të arrestuar, 80 patenta të bllokuara dhe 2078 masa administrative.Burime zyrtare nga policia bënë me dije se aksioni është shtrirë në rrugët dytësore dhe zonat rurale përgjatë 48 orëve të fundit.
Të njëjtat burime sqarojnë se kontrollet janë përqendruar në parandalimin e ngjarjeve rrugore që shkaktohen kryesisht nga drejtimi i mjeteve pas përdorimit të pijeve alkoolike apo në gjendje të dehur, nga drejtimi i mjetit pa leje drejtimi, nga drejtimi i mjeteve pa rrip sigurimi, si dhe në ndëshkimin e atyre drejtuese të mjeteve që përdorin celularin apo dhe motoçiklistët pa kaska mbrojtëse.
