LIGJET E BIZNESIT
Policia ka arrestuar ditën e sotme dy gra në Shkodër, pasi kanë kanosur dhe bërë presion një gruaje që tu jepte para ose në të kundërt do i publikonin videon intime.
Mësohet se nga strukturat e Drejtorisë Vendore të Policisë Shkodër, në bashkëpunim me Prokurorinë e Gjykatës së Shkallës së Parë për Krimet e Rënda Tiranë, pas një pune të mirëorganizuar, u bë finalizimi i operacionit policor të koduar “TRUMA”, si rezultat i të cilit është bërë arrestimi në flagrancë i shtetaseve Ersada Fregjaj, 28 vjeçe, banuese në Velipojë, Shkodër dhe Merita Bregu, 46 vjeçe, banuese në Shkodër.
Kapja dhe arrestimi i tyre u bë pasi në lagjen “Vasil Shanto”, në vendin e quajtur “Truma”, në bashkëpunim me njëra-tjetrën, nëpërmjet kanosjes, i kanë marrë shumën 50 000 lekë një shtetaseje”, bën të ditur policia.
Burime bëjnë me dije se dy gratë e kanë kërcënuar vazhdimisht të afërmen tyre me një video intime me një burrë.
Por pasi u ka dhënë paratë gruaja ka denoncuar dhe 2 autoret janë arrestuar menjëherë nga policia.
Në cilësinë e provës materiale u sekuestrua shuma 50 000 lekë dhe dy aparate celulare. Materialet iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.
