Parashikimi i motit për sot, zbuloni qytetet ku do të bjerë shi

Ditën e sotme (e enjte, 31) do të ketë reshje të dobëta pothuajse në të gjitha qarqet e vendit.

Sipas parashikimit të Institutit të Gjeoshkencave, reshjet e shiut do të jenë lokalisht mesatare në qarqet Durrës, Tiranë, Vlorë e Gjirokastër.

Në zona të kufizuara të qarqeve, reshjet do të jenë në formë shtrëngate, më të mundshme në bregdetin jugor dhe terrenet malore jugore.

Temperaturat minimale dhe maksimale të ajrit pritet të arrijnë:

në bregdet: 14 / 20 °C

në vendet e ulëta: 14 / 22 °C

në vendet malore: 8 / 16 °C

Era pritet të fryjë e lehtë deri mesatare, kryesisht në bregdet dhe në territoret malore veriore.