Ish-presidenti i Republikës Bamir Topi ka komentuar situatën politike dhe krizën e thellë që vendi ynë po kalon prej kohësh.
I ftuar në programin “Aktualitet” në TV Fax News Topi u shpreh se nëse Rama dhe Basha do të ulen për të bërë pazare, ky është një lajm i keq.
Ndër të tjera ish-presidenti tha se Rama nuk mund të luftohet me biseda në studio, dhe se ai ka parë një kryeministër të rrëzuar përpara studentëve.
Topi thekson se Rama u detyrua nga studentët të jepte deklarata interesante nëpër emisione dhe ata e mposhtën.
“Nëse ulen për pazare, është lajm jashtëzakonisht i keq. Unë e shoh që Rama nuk luftohet me biseda në studio. Kur e kam parë unë Ramën të rrezikuar? E kam parë Ramën si kryeministër të rrëzuar para studentëve. Studentët e detyruan të jepte deklarata interesante nëpër emisione dhe e mposhtën”, deklaroi në studio Bamir Topi.
