“Rama më kërc.ënoi por smë tremb dot” Gjuzi i përvishet dhe Ruçit: Gabimi i Berishës që nuk të veshi me fustan

Deputeti Kujtim Gjuzi gjatë seancës sot në Kuvend ka hedhur akuza të forta në drejtim të kryeministrit Edi Rama duke pretenduar se e ka kërcënuar.

Madje Gjuzi u shpreh se ka marrë mesazhe në telefon nga Rama “ për tërheqje zvarrë të Kujtim Gjuzit.”

“Kryeministri ka marrë peng financat përmes oligarkëve. Darkon me oligarkët, rri me oligarkët, kur vjen këtu bën sarkazëm. I thotë kryetarit të Kuvendit që shiko t’i bëjmë presion këtij apo atij deputeti. Në telefonin tim ka presion për tërheqje zvarrë të Kujtim Gjuzit dhe numri është i kryeministrit.

Në fakt kryeministri më njeh që në moshë të re që nuk jam trembur nga diktatura, jo më të më trembi mua kryeministri që me gjithë pantallona të lagura ndonjëherë nuk i bën 80 kg.

Nëse ti kryeministër ke sjell këtu kërcënim, ke kallëzim penal. Unë nuk kam frikë fare se kam jetuar në këtë vend, kam fëmijë e nipër në këtë vend dhe me të drejtë zakonore, çik e vështirë të merret kryeministri me mua, se njëherë që është marrë me mua, dhe me një gazetar të njohur, e ka provuar si ka qenë puna në Këshillin Bashkiak”, tha Gjuzi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më tej, ai ka replikuar sërish me kreun e Kuvendit Gramoz Ruçin.

“Sot dikush tjetër tha që ka qenë pronari i autoshkollës. E kam për nderë që kamë qenë pronari i një biznesi që ka paguar taksat shtetit, deri kur Anastas Angejli më vuri gjobë 1 mln e 200 mijë lekë, që nuk kisha si ta paguaja se nuk vjedh.

Po i them Gramoz Ruçit mos u merr me autoshkollën time, por merru me ato studimet si anëtar i Partisë së Punës se ajo është licenca që ke, e drejton prej 30 vitesh, por fajin e ka Berisha që nuk ta veshi mirë atë fustanin e grave”, u shpreh Gjuzi.