Shkatërrohet banda e trafikantëve në Spanjë, sekuestrohet 2 ton kanabis, në pranga 4 shqiptarë

Policia spanjolle ka goditur një grup të organizuar kultivuesish dhe trafikantësh shqiptarë për trafikun e lëndëve narkotike.

Sipas informacioneve 4 shqiptarët kishin ngritur 3 plantacione me kanabis në Parkun Kombëtar të Sierra de Cuencas.

Sasia e sekuestruar nga oficerët e sektorit të anti-drogës është 2 ton kanabis, vlera e së cilës po të shitej në treg shkon 11.3 milionë euro.

Autoritetet spanjolle bëjnë me dije se grupi kishte ngritur 5 plantacione të vogla me sipërfaqe 15 m² ku kishin përgatitur kushtet e ngrohjes dhe ndriçimit të kanabisit. Ndërsa sipërfaqja e 3 plantacioneve (1 hektar) shërbente për rritjen e mëtejshme të drogës nëpërmjet një sistemi të sofistikuar ujitjeje. Droga kultivohej mes pishave të Parkut të Sierra de Cuencas.

Hetuesit spanjollë deklaruan se ky plantacion droge i ngjan më tepër një plantacioni të ngritur në Kolumbi. Sipas informacioneve, 4 shqiptarët po përgatiteshin për të hapur sipërfaqe tjetër për të kultivuar drogën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Operacioni në fjalë ka nisur në 12 tetor të këtij viti.