Pas një artikulli të publikuar mbrëmë nga revista gjermane “Der Spiegel”, sipas të cilës mos hapja e negociatave për Shqipërinë ishte e kuptueshme për shkak të ngecjes së reformës në drejtësi dhe mungesës së shtetit ligjor, reagon kreu i Partisë Demokratike, Lulzim Basha, duke nënvizuar se është kryeministri Edi Rama ai që pengon rrugën e integrimit.
“Evropa e refuzoi, tani është koha ta refuzojnë shqiptarët”, thekson Basha.
Lulzim Basha: Të gjithë shqiptarët e dinë të vërtetën që revista më e madhe e Evropës, Der Spiegel e shkruan të zezë mbi të bardhë: Evropa nuk refuzoi Shqipërinë, por refuzoi Ramën, sepse ai është një autokrat që rri në pushtet me ndihmën e krimit.
Shqipëria e meriton hapjen e negociatave. Shqiptarët meritojnë më të mirën. Një njeri e pengon këtë rrugë. Europa e refuzoi, tani është koha ta refuzojnë shqiptarët.
