Publikimi i videos së aksidentit, reagon ashpër kunata e Blerina Gjylametit

Pas publikimit të videos ku shfaqet momenti i aksidentit nga i cili humbi jetën Elton Macolli, kunata e deputetes së PS Blerina Gjylameti, Majlina Gjylameti ka reaguar ashpër për këtë veprim.

Përmes një statusi në rrjetin social Facebook, akuzat i hedh drejt gazetarisë shqiptare pasi e quan një akt të turpshëm.

Majlinda Gjylameti shprehet se askush nuk e di se pse mund të ketë ndodhur ky aksident tragjik, Toni nuk ecte me shpejtësi dhe arsyet mund të jenë edhe shëndetësore.

Më tej, ajo i bën thirrje gazetarëve dhe komentuesve t’i lënë me dhimbjen që kanë dhe të mos flasin kot.

Vëllai i deputetes, Elton Macolli humbi jetën si pasojë e një përplasje me një kamioni.  Makina e tij tip “Seat” ishte e pajisur me impiant gazi dhe pas përplasjes ka shpërthyer në flakë.

Statusi i plotë:

Kjo që po ndodh me gazetarinë shqiptare është e turpshme. Së pari do t’ju thoja se publikimi i videove të aksidenteve dhe si rrjedhojë komentet e lloj-lloj monstrash janë për të vënë kujën. Pse i rivrisni familjarët?! Pse duhet të bëni show me fatkeqësitë e të tjerëve?!!! Askush nuk e di se pse mund të ketë ndodhur ky aksident tragjik. Që ta dini ju dhe kushdo që kërkon të bëjë show ose politikë me këtë fatkeqësi, Toni kurrë nuk ecte me shpejtësi dhe kjo mund të ketë ndodhur për arsye shëndetsore. Ndaj ju lutem lërini njerëzit me dhimbjen që kanë dhe heshtni e mos flisni kot.