Pakënaqësia nga vartësit e tij dhe operacioni i 19 shtatorit në të cilin u kapën 137kg kokaninë me destinacion Elbasanin ka bërë që kreu i Policisë së Shtetit, Ardi Veliu të organizojë një takim me strukturat e drejtoris së qytetit.
Kujtojmë që droga e futur brenda në 4 kontenier bananesh u pikas në portin e Pireut në Greqi, dhe më pas ka përfunduar në portin e Durrësit. Policia greke ka gjetur drogën e nisur nga Ekuadori në 4 konteinerët me destinacion Shqipërinë dhe nuk ka ndërhyrë, por ka dhënë informacion tek pala shqiptare. Konteinerët kanë ardhur në Shqipëri, dhe prokuroria shqiptare, bashkë me policinë, kanë hequr drogën dhe kanë vendosur pako me oriz dhe GPS (gjurmues lokalizator).
Pas tri ditësh, në Portin e Durrësit kanë shkuar dy personat, Gentian Maldini dhe Altin Myslimhaka, të cilët po prisnin të merrnin drogën, por në vend të kokainës kanë marrë orizin. Malindi kuptoi kurthin e policisë dhe është larguar. Në dëshminë e tyre para hetuesve, Bega dhe Myslimhaka mohojnë që të kenë gisht në trafikun e drogës dhe kanë thënë se vetëm kanë marrë para për të nxjerrë kutinë nga konteineri, që sipas tyre, kishin dijeni se ishte me skrap dhe jo me drogë.
