Pavarsisht përgjigjeve negative nga vendet e BE-së për azil politik, numri i shqiptarëve që kërkojnë te largohen rritet çdo ditë.
Përveç Gjermanisë e cila është treguar më “zemërgjere” me shtetasit e huaj, asnjë shtet tjetër i Unionit nuk kërkon kërkesën e shqiptarëve për azil. Ka qenë Franca dhe Belgjika të cilët ditën e sotme kanë riatdhesuar 60 shtetas shqiptarë të cilët kishin shkuar në këto vende duke kërkuar azil politik.
Sipas postimit të policisë, 55 persona janë kthyer nga Franca dhe 5 nga Belgjika. Policia ka theksuar edhe njëherë se shanset azil për shtetasit shqiptarë janë zero.
Ndërkohë Policia Kufitare ka forcuar kontrollet në pikat e kalimit kufitar, në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe me patrulla të shtuara në kufirin jeshil për të parandaluar kalimin e paligjshëm të shtetasve të huaj.
