Mbarimi i afatit 10 vjecar i kartave te identitetit, ka bërë që shqiptarët të përballen me probleme dhe rradhë të gjata tek zyrat e Aleatit.
Në emisionin “Boom” në RTV Ora News ka ardhur një denoncim nga zoti Ali Berati nga qyteti i Elbasanit.
Bashkshortja e tij në pamundësi për të lëvizur prej 10 vitesh, qëndron e paralizuar në krevat.
Ajo duhet të pajiset me kartë sepse ajo i shërben për të blerë ilacet, për të kryer vizitat.Edhe pse punonjësit në Zyrën e Aleatit janë vënë në dijeni për rastin, kërkojnë që ajo të jetë e pranishme vetë në momentin e aplikimit.
Por një gjë e tillë është e pamundur pasi për shkak të gjendjes së saj dhe se cifti banon në katin e 5-të të pallatit.
Një zgjidhje është që punonjësit e Zyrës së aleatit të shkojnë në banesën e zonjës Tefta por nëse kjo ndodh atëherë përvec kartës së identitetit, zonja duhet të pajiset edhe me pasaportë biometrike pë vetëm 3 ditë e kushtueshme 180 mijë lekë.
