Policia shpall në kërkim ish-drejtorin e ALUIZNI-t Durrës, ja për çfarë akuzohet

Ish-drejtori i ALUIZNI-t në Durrës, Flamur Gjuzi është shpallur në kërkim me akuzën për shpërdorim detyre.

Gjithashtu me po të njëjtën akuzë është arrestuar edhe punonjësja e këtij institucioni Lusiena Kola, e cila u lirua sërish nga gjykata dhe do të hetohet në gjendje të lirë.

Kola u arrestua nga policia me urdhër të prokurorisë pasi Gjykata vendosi ‘Detyrim paraqitje’ për të, ndërsa Gjuzi vijon te jetë ne kërkim.

Burimet bëjnë me dije se zyrtarët e ALUIZNI kanë shpërdoruar detyrën në legalizimin dhe regjistrimin e disa pronave të paluajtshme.

Ne bashkëpunim edhe me zyrtarë të tjerë ata dyshohet se u kanë dhënë disa shtetasve, në kundërshtim me ligjin, dokumentat e pronësisë në zonën e bregut si dhe në zona të tjera te qytetit të Durrësit.