Pas dhunës në derbin kryeqytetas Tirana-Partizani, Klubi i Tiranës ka vendosur të pezullojë nga puna drejtorin e stadiumit “Selman Stërmasi.”
Bëhet me dije se drejtori i stadiumit Ksenofon Haskoçela është pezulluar deri në zbardhjen e plotë të ngjarjes.
Kujtojmë se ditën e djeshme Policia e Shtetit ka arrestuar një person, i identifikuar si Elton Bande dhe ka shpallur në kërkim 2 të tjerë, ndërkohë që 6 persona janë proceduar penalisht në gjendje të lirë.
Personat e mësipërm akuzohen për akte dhune, ndërsa Bande ka qenë në arrest shtëpie por e ka thyer atë për të qenë i pranishëm në stadium.
