Gazetari investigativ Artan Hoxha ka zbuluar disa fakte tronditëse rreth vrasjes që tronditi mëngjesin e sotëm qytetin e Lushnjes, ku biznesmeni Besmir Hida u ekzekutua me breshëri kallashnikovi në ambientet e një lokali.
Hida ishte daja i Zamir Latifit, i cili u vra dy vite më parë në qendër të Lushnjes.
Me anë të një postimi në rrjetet sociale Hoxha shkruan se është e njëjta dorë dhe e njëjta skemë si ajo e dy viteve më parë, ku kësaj here mbeti viktimë babai i dy fëmijëve.
Ndër të tjera gazetari shton se bëhet fjalë për një grup të organizuar kriminal, i cili po mban nën terror qytetin e Lushnjes.
Hoxha thotë se Hida kërkonte vazhdimisht drejtësi madje është takuar disa herë edhe personalisht me të.
POSTIMI I PLOTE I ARTAN HOXHES
E njejta dore, te njejtet vrases, e njejta skene krimi, te njejtat batare kallashnikovesh mban nen terror per 3 vite ne radhe qytetin e qete me njerez punetore te Lushnjes….
Besmir Hida, 40 vjec baba i dy femijeve, eshte viktima e radhes. E kam takuar disa here gjate ketyre dy viteve, kerkonte drejtesi per vrasjen e nipit Zamir Latifit, i ekzektuar me 11 tetor 2017 ne ate qe njihet si masakra e Lushnjes…
Para se ta ekzekutonin Besmirit i vendosen eksploziv ne banese qe te largohej bashke me familjen jashte vendit.
Besmiri besoi te drejtesia dhe ky shtetit dhe sot eshte viktima e radhes e nje grupi te organizuar kriminal me lidhje shume te forta qe po mban nen kontroll me dore te hekurt qytetin agrobujqesor me te rendesishem ne vend.
