Opinioni i Venecias për presidentin/ Blushi ironizon: Kur Mimi nxjerr sekretin para kohe!

Zëdhënësi i Presidentit, Tedi Blushi, ka reaguar me ironi sërish sot, pas Opinionit të Venecias ku thuhet se Presidenti Ilir Meta ka bërë shkelje të Kushtetutës për dekretin e shtyrjes së zgjedhjeve të 30 Qershorit.

Në video tregohet deputetja e Partisë Socialiste, Kodheli, që është kryetare e Komisionit të Politikës së Jashtme. Kjo e fundit në një studio televizive tha në datën 10 shtator, pas takimit të anëtarëve të Komisionit të Venecias me përfaqësuesit e shumicës se ky komision do asistojë qeverinë lidhur me çështjen e dekretit të Metës për zgjedhjet e 30 qershorit.

“Kur Mimi nxjerr sekretin para kohe…ha ha” është komenti i tij, lidhur me një deklaratë në media të Kryetares socialiste të Komisionit të Jashtëm parlamentar, bërë që më 10 shtator, në të cilën Mimi Kodheli shprehet se “në këtë proces do të na ndihmojë Komisioni i Venecias, i cili për çka kam dëgjuar dhe për ç’ka jam informuar, mendon se ka një shkelje të Kushtetutës.”