Zbulohet identiteti i biznesmenit të shpallur në kërkim nga Policia për sasinë e 137 kilogramëve kokainë që u kap në portin e Durrësit.
Biznesmeni mësohet se është Gentian Malindi, 42-vje ç, i cili rezulton se ka në pronësi një anijë peshkimi.
Një prej të arrestuarve Altin Myslimhaka është punëtor në anijen e tij.
42-vjeçari, dyshohet se është një nga pritësit e kokainës në portin e Durrësit, dhe për këtë arsye është shpallur në kërkim.
Kush është Gentian Malindi?
Maldini është një person me precedent penal. Më 8 qershor të 2013 ai është arrestuar nga policia pasi është kapur me 500 kg drogë të llojit kanabis sativa. Droga u kap nga policia e qarkut të Durrësit pas një operacioni të finalizuar në zonën e Plazhit, e fshehur në furgon tip “Benz Mercedez”, me targë AA 938 AE, e cila kishte si destinacion Italinë.
Por 42-vjeçari është i njohur në fushën e biznesit të peshkut. Ai ka në pronësinë e tij varkë e cila peshkon në detin Adriatik,që në QKR mban emrin e biznesit “Anyway”. Ai ka një njohje të vjetër me Altin Myslimhakën, dhe ky i fundit ishte punonjës në varkën e tij të peshkimit.
