“Po e shet si fitore” gazetari i Euronews ironizon keq Ramën pas ‘shuplakës’ së Bundestagut

Korrenspondenti i Euronews në Bruksel, Jack Parrock ka reaguar nëpërmjet një postimi në Twitter, ku shprehet i habitur për mënyrën sesi e pa kryeministri Edi Rama vendimin e grupit parlamentar më të madh të Gjermanisë.

“Kryeministri i Shqipërisë, Edi Rama po i feston si fitore kushtet që Bundestagu votoi që t’i vendoste vendit të tij për hapjen e negociatave. Ai po falenderon Merkelin dhe po e shet atë si një vullnet të Gjermanisë për hapjen e negociatave me BE”, shkruan Parrock në Twitter.

Kujtojmë se ditën e djeshme, bundestagu gjerman publikoi raportin ku shkruhej se Shqipëria po kalon një krizë të rëndë politike dhe se nuk do të hapeshin negociatat me Bashkimin Europian, derisa të plotësoheshin nëntë kushtet kryesore  dhe pa u zgjidhur kriza politike në vend.