LIGJET E BIZNESIT
Kreu i Këshillit të Lartë të Prokurorisë (KLP) Gent Ibrahimi ishte i pranishëm ditën e sotme në një seancë dëgjimore në Komisionin e Pavarur të Koordinimit, strukturë kjo e ngritur në Kuvend, në lidhje me vonesat në ngritjen e SPAK.
Ibrahimi foli për krijimin e SPAK, teksa theksoi se KLP ka miratuar listën me 15 kandidatë, ndonëse institucioni nuk është krijuar për shkak të procesit të vettingut.
Sipas kreut të KLP-së, kandidatët e propozuar duhet ta kalojnë vetingun me vendim të formës së prerë.
“KLP ka miratuar listën prej 15 kandidatë për anëtarë te SPAK. Ende sot nuk ka SPAK sepse ende nuk ka përfunduar procesin e vettingut me vendim te formës se prerë. KLP do i duhet të marrë vendim nëse mundet që SPAK te krijohet me më pak se 10 anëtarë, apo ka imponim kushtetues. Na takon ne te themi nëse është e mundur apo jo që SPAK të nisë me 10 anëtarë. Ne marrjen e këtij vendimi do na duhet të marrim parasysh edhe disa elemente praktike”, tha ai, ndërsa foli edhe për miratimin e listës për Prokuror të Përgjithshëm.
“Kur hapen gara për pozicione të rëndësishme si kryeprokurori, këshilli ka detyrën të vë në kushte të barabarta kandidatët. Rregulloret që ne bëmë, në llogari të fundit të mos kishte asnjë pabarazi mes kandidatëve. Kandidatët kanë mundësinë të tregojnë vlerat e tyre”, shtoi kreu i KLP.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
