LIGJET E BIZNESIT
Ditën e sotme zv.ambasadori i SHBA në Tiranë, Dan Koski ka bërë një paralajmërim të fortë për të gjithë zyrtarët e korruptuar në Shqipëri.
Ai ka njoftuar se Amerika tashmë ka një lajm të keq për këta zyrtarë me ndryshimin qe po sjell, duke i cilësuar ata si rëra në ingranazhe dhe shumë shpejt kështu aktivitetet e tyre do të ndalen.
Gjatë aktivitetit mbi Projektin për Planifikimin dhe Qeverinë Vendore të USAID, Koski është shprehur se jo të gjithë në Shqipëri ndajnë qëllimet e SHBA për të përmirësuar zbatimin e ligjit dhe qeverisjen e mirë, dhe se një pjesë do vijojnë luftën për të bllokuar këto qëllime të rëndësishme.
Lidhur me këtë, zyrtari i lartë amerikan ju bën thirrje atyre që e duan Reformën në Drejtësi që të mos shkurajohen, por të vazhdojnë luftën për reformat që do të forcojnë shoqërinë shqiptare.
“…jo të gjithë ndajnë qëllimet tona për të përmirësuar zbatimin e ligjit dhe qeverisjen e mirë në Shqipëri. Për zyrtarët e korruptuar, ndryshimi që ne po sjellim është një lajm i keq. Është si rëra në ingranazhe, e cila shumë shpejt do bëjë që aktivitetet e tyre korruptive të ndalen. Ne e dimë se ata do të luftojnë dhe do të përpiqen në çdo moment të bllokojnë përpjekjet tuaja për të çuar përpara këto qëllime të rëndësishme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mos u stepni. Mos u shkurajoni. Vazhdoni të qëndroni në këmbë dhe të luftoni për reformat që do të forcojnë shoqërinë shqiptare për ju dhe brezat e ardhshëm. Ju besoni që në horizont është një e ardhme më e ndritur për Shqipërinë. Të njëjtën gjë mendojmë edhe ne, dhe do ta vijojmë këtë rrugëtim së bashku me ju”, ka thënë zv. Shefi i Misionit në Detyrë, Dan Koski.
