Mbrëmjen e djeshme policia e Tiranës shoqëroi për ne komisariat dy gazetarë të cilët publikuan në portale lajmin fals se një tërmet i fuqishëm 6 ballë do të binte në orën 23.30.
Pas publikimit të lajmit, qindra qytetarë të Tiranës vërshuan në rrugë të alarmuar nga frika e një tërmeti të mundshëm.
Me anë të një njoftimi Policia sqaroi se dy gazetarët e shoqëruar janë Daniela Grrica e portalit “Shekulli” dhe Aurel Rakipllari nga “Syri.net”.
Ndërkohë sot mësohet se gazetarët janë lënë të lirë pasi u është marrë dëshmia.
Ndaj tyre ka nisur procedimi penal dhe materialet i janë referuar Prokurorisë për hetime të metejshme.
