Të tjera lëkundje sizmike janë regjistruar në territorin e vendit tonë gjatë natës.
Pas tërmetit të fortë që u regjistrua rreth orës 22.10 me epiqendër në veri të Durrësit, me magnitudë 4.5 të shkallës Rihter dhe thellësi 10 km ka pasur një seri lëkundjesh më të vogla.
Sipas IGJEUM lëkundja e fundit është regjistruar në orën 02:27, me magnitudë 2.7 dhe ka patur epiqendër detin Adriatik.
Dy ditë më parë Shqipëria u godit nga dy tërmete të forta 5.8 dhe 5.6 të shkallës Rihter.
